Corpus Van Reenen-Mulder (CRM14): Oorkonde L001p39901

@ @ Wy aelbert stael Richter peter van wijc ende iohan gols scepen tot wijc maken kont allen luden dat voer ons is gecomen int @ ghericht tot wiic willem iacops soen ende heeft hem beliit ende bekent voer ons dat hi sculdich is iaerlix erfelic en_ @ ewelic Eersamen luden den deken ende capittel van sunte iohans kerc tot wijc twe loet fijns lodycs suluers of @ die weerde daer voer aen anderen goeden paymente dat daer tot elker tiit binnen der poerten van wiic goet voer @ wesen sal wt sijnre alinger hwsinge ende hofstede mit alle hueren toebehoeren alsoe als die gelegen is binnen der @ poerten van wiic tusschen hwsinge lobborch die iacop sammels wiif was en_ huerre kijnder aen die een zide @ Ende aen die ander side Beerte die ghiisbert roelofs soens wiif was en_ huerre kiinder aen die ander syde @ Streckende mit den enen eynde aen egbert peters soens hof ende mit den anderen eynde aen die strate te betalen @ iaerlix erfelic ende Ewelic den deken en_ capittel voerscreuen of hueren cameraer die in elker tiit wesen @ sal van huerre wegen dese voerscreuen twe loet suluers op sunte peters dach ad cathedram of binnen viertien @ daghen daer na ombegrepen En dede hiis niet soe selt hem die cameraer van + des capittels wegen voerscreuen @ iaerlix wt~panden mitten recht wt der husinge ende hofstede voersc_ Ende mit dien panden voert te varen @ als scepen wisen dat Recht is wtgheset alle argelist en_ behoudelic onsen he_e van apcoude sijnre scout en_ siins @ Rechts in oerkonde des briefs besegelt mit onsen segelen ghegeuen int iaer ons heren dusent drie + hondert neghen @ en_ tneghentich op sunte scolasticus dach