Corpus Van Reenen-Mulder (CRM14): Oorkonde L001p40001

@ @ Wy aelbert stael Richt_ goesen heynen soen en_ jan frambach peters soen scepen tot wiic maken kont allen luden dat voer ons quam jnt gericht @ tot wiic johan dille en_ heeft ouerghegheuen agniesen die herman ombehouwens wiif was Enen vryen eyghendom mit oerdel en_ mit @ vonnisse alse die scepen wiseden dat recht was behoudelic vuerplicht en_ scepen~brieue huers rechts alse van Enen haluen merghen @ lants en_ twe en_ veertich scafte lants eggen en_ eynden boedem en_ boerden mit allen sinen toebehoeren alsoe als die gelege_ is @ op den ouden perric daer zwtwaert is naeste ghelant dat goets~hws tot coeten noertwaert ghiisbert heynrics soen mit @ lande dat johans van + den oudenweghe te wesen plach streckende mit den Enen eynde aen des proefts lant van oudemunst_ en_ johan dille voersc_ verteech rechteuoert mede op dit voersc_ lant tot behoef agniesen @ voerseit alsoe dat die scepen wiseden dat hi daer niet meer aen en hadde mit recht en_ dattet agniesen voersc_ vast en_ @ stade was en_ bliue_ soude mit recht behoudelic onsen he_e van apcoude siinre scout en_ siins rechts jn oerkonde des briefs @ beseghelt mit onsen segele_ gegeue_ jnt jaer ons h_en dusent en_ vier + hondert op sinte lucyen dach