Corpus Van Reenen-Mulder (CRM14): Oorkonde L001p40002

@ Wy aelbert stael Richter goesen heynen soen en_ jan frambach peters soen scepen tot wiic maken kont allen luden dat voer ons quam @ jnt gericht tot wiic johan dille als een sacwout en_ heeft verplegen als recht wiist en_ gheloeft agniesen die herman ombehouwens wiif was Enen haluen merghen lands en_ twe en_ veertich scafte lands mit alle sinen toebehoren @ alsoe alst gelege_ is op den ouden + perric te waren jaer en_ dach tot eygendoms recht en_ alle voerplichte en_ alle @ voercommer of te doen daer zwtwaert is naeste ghelant dat goets~hws tot Coeten en_ noertwaert ghiisbert @ heynrics soe_ mit lande dat hi teghen jan dillen beleent heeft streckende mit den Enen eynde aen den trechtwech en_ mit @ den anderen eynde aen des proefts lant van oudemunst_ en dede hiis niet soe wes coste of scade agniese voersc_ lede aen desen @ voersc_ lande ruerende van jan dillen weghen voersc_ mit recht dien selue_ hem wt~pande_ mitte_ recht en_ mit dien pande_ voert @ te vare_ als scepe_ wisen dat recht is behoudelic onsen he_e van apcoude siinre scout en_ siins rechts in oerkonde des briefs besegelt @ mit onsen segele_ gegeue_ jnt jaer ons h_en dusent en_ vier + hondert op sinte lucyen dach