Corpus Van Reenen-Mulder (CRM14): Oorkonde L037p38001

Wij Scepene tho duttinchem maken kunt : En_ kenlich : dat vor vns is ghecomen : johan Costewijns als een zakewaelde : mid vm : Tengel die prumer : En_ Johan die Cnapper alse guede burghen en_ hebben ghelouet mid ghesamender hant : en_ elic vor al Gerloghe kenping : dertich comans motone tho zunte mertens misse : Jn den wint_ naest to comende tho betaelen : of ander g˚et ghelijc paeyment daer vor . alse tho zutphen binnen der Stat : dan daer g˚et vor is : En_ weer dat Sij des dan nyet en deden : So hebben die vurg_ burghen verwilk˚rt : dat Sij gerloch vurg_ : of Sijn luede : altehant na den vurg_ t_mine penden mach mid vnser stades luede den wij vm gheuen Solen binnen vnser Stat . En_ kuren mid den gherichte Jn al or guet waer zijt hebben : en_ die pande mach gerloch vorg_ of Sijn luede d˚en vuren waer Sij willen of driuen : of Sij der nyet binnen vnser Stat vercopen en houden : en_ vorcopen die tot achte daegen tho bescudden : en_ dat vorg_ gelt daer van nemen : En_ vntbreke vm an der Jrsten jaerdingen : hij . of Sijn luede mochten anderwerue penden die vorg_ burghen : en_ vercopen die pande alse vorg_ is : hent dat vorg_ gelt vul en_ al betaelt is : hijr ouer waren jn Scependome . Euert brosikens soene van b˚eren : En_ Johan doppeken : en_ hebben des een oerku_de vntvangen : Jn een tuech der waerheyt heb wij vnser stades segel an desen brief ghehangen : Ghegheuen . Jnt . Jaer vns h_en . dusent dre + hundert . Achtentich vp Sunte jacobus daeghe des