Corpus Van Reenen-Mulder (CRM14): Oorkonde L044p38701

Wij borghermeyst_e . Scepen_ en_ Raet der Stat van tyel . doen kondt allen luden die desen brief zolen zien of horen lesen . en_ orconden openbaerlijc . Want ons dat kundich js en_ wij ghesien hebben enen opene_ brief . gans en_ heel en_ onghecanceleert bezeghelt mit onser stat zeghel . jn + de_ wolken . dat Scriueaempt tot tyel ghegheue_ was Jan van auezaet aernts soen . van + den borghermeyst_en . Scepen_ en_ Raet der stat van tyel die doe jn + der tijt we_en . daer onse goede gemeyne knapen en_ zamenborgh_e tot tyel ghemeynliken by waren ghebleue_ . Soe hebben wij om die meerre vestenis wille . ghegheue_ en_ gheue_ mit onsen vryen wille en_ eendrechteliken va_ onser stat weghen van tyel voers_ . den seluen Jan van auezaet dat voerghenoemde scriueaempt tot tyel . hoem dat te hauden en_ te ghebruken alsoe langhe als hy leuende js . sonder enich wederzegghen van ons of yemants van onser stat weghen van tyel voers_ alle arghelist vyt~gheseceyden . En_ om~dat wij willen dat dit Jan van auezaet voers_ vaste en_ stede bliue . en_ wael ghehauden werde . Soe hebben wij desen brief open bezeghelt mit onser stat zeghel . jn orconden en_ kennissen der waerheyt . Ghegheue_ Jnt Jaer ons heren . dusent drie hondert zouen ende ?chtentich . des Sat_daghes na Sinte mertijns dach . Translatio .