Corpus Van Reenen-Mulder (CRM14): Oorkonde L091b39301

Wy Willem van manieren / heyne lodewijch . heyne ten velde / jan arnts soen / heyne die ionghe . Ghijsbrecht van (onleesbaar) / jan van dordrecht lauwrens soen . Scepen_ in kessel orconden en_ kennen dat voer ons quamen lodewijch . Jan die bye / Willem ian louwers soene waren / berwijn peters soen van d?l en_ hubrecht valken soen huer zwaghers / En_ zaelde en_ lizabet huer susteren ian louwers d˚chter waren myt hueren ghecorenen mombaer dien zij kreghe_ zaelde en_ lizabet voers_ myt vonnisse en_ myt recht En_ hebbe_ verteghen al ghesamender hant tot behoef her diric snoken spersoens der kerken van kessel op neghen vadum lands ghelijc als zij gheleghen zijn op den vorsten eert te kessel naest erffennisse Mechtelden ian louwers wijf was aen die een syde en_ naest erffennisse ian gylijs kerstiaens soens soen aen die ander syde . streckende van + der vorster eert steghen ter middelster eert steghe_ toe . alzij seyden En_ lodewijch jan die bye willem berwijn hubrecht zaelde en_ lizabet voers_ myt h˚ere_ mombaer voers_ hebbe_ dyt vertyen voers_ alle vaste en_ stede gheloeft te hauden tot ewighen daghe_ op h? en_ op alle huer goet sonder ennich wedersegghe_ / Ghegheuen onder den seghel ons ghemeijns scependoems van kessel int iaer ons heren dusent drie + hondert tneghentich en_ drie op den yersten dijnsdach nae sente hubrechts dach -