Corpus Van Reenen-Mulder (CRM14): Oorkonde L091b39401

Wij Willem van manieren / heyn lodewijch heyn ten velde Erenbrecht ians soen / jan die bye ian louwers soen heynric die ionghe / en_ jan van dordrecht lauwrens soen / Scepen_ in kessel orconden en_ kennen dat voer ons quam Mechtelt ian louwers wijf was met hueren ghecorenen mombaer dien zij hadde verkreghen met vonnisse en_ met recht en_ heeft vercoft en_ opghedraghe_ her diric snoken den p_soen der heyligher kerke_ van kessel neghen vadum lands gheleghe_ op den vorsten eert naest erffennisse deser voers_ mechtelden aen die een syde en_ naest erffennisse janne gylijs korstiaens soens soen aen die ander syde streckende van der vorster eert steghen tot der middelster eert steghen toe alzij seyden En_ Mechelt voers_ met hueren mombaer voers_ verteech daer mede op tot behoef her diricx voers_ En_ Mechtelt voers_ met huere_ mombaer voers_ gheloefde desen voers_ her diric des lands voers_ te + waren dijc vri tijns vri alle voercomm_e en_ alle aentael daer aen af te doen tot ewighen daghen op huer en_ op alle huer goet dat zij heeft of krieghen mach vutghenomen dijcke en_ grauen bynnen lands die met recht tot desen voers_ lande behuerende zijn / Ghegheue_ onder den seghel ons ghemeyns scependoems van kessel int iaer ons heren Dusent Drie + hondert tneghe_tich en_ vier op den lesten manendach voer palme~sondach /