Corpus Van Reenen-Mulder (CRM14): Oorkonde L095p33601

Wy henric monec . . wilhem van lente . . andries die rode . . johan sconeweder . . herman Dyrekens soen . . Gherart yden soen en_ zebrecht belen soen . . Scepene tot Oyen maken cond allen den ghene_ die desen brief solen sien oft horen lesen . . Dat voer ons quam didderic van + der masen . . oners soen van Oyen wileneer was . . En_ droech op albrecht h_en Goeswijns soen des persoens van ghemonden . . en_ verteech daer op tot sijnre behoef . . ene_ campe lands die gheleghen is in + der prochye_ van oyen . . tot eenre stede die gheheyten is in + die langheecker die houdende is veertien marghen bi + der mate_ alsoe als hi seyde . . daer op die een side gheleghen is een camp heeft henric van den Elsbroke te pachte van onsen h_e van b˚chtelle . . en_ plach te wesen voermaels der monec van Oyen . . En_ op dander side is gheleghen Erue dat wijnrix is broeder des voerscreuene_ didderix . . En_ heeft gheloeft dese voerscreue_ didderic . . en_ met hem Bernde en_ wilhem piet ghebroeder . . kinder des voerseyde_ didderix als zaecwoude met ghesamender hant onghesceyden en_ elc voer al . . op hem en_ op alle haer goet dat si hebben oft crieghen mochten . . den voerseyde_ albrecht des voerseyden campes te waren . . en_ alle naerscap voerco_mer en_ aentale die daer op vallen mochte af te doen En_ vesten hem daer aen . . alsoe dat wi scepene voerscreue_ wijsden dat Erue den voerscreuene_ albrecht en_ na hem sine_ Erfname_ vaste en_ stede te wesen tot eweliken daghen . . En_ doe dit al ghesciet was doe bekende en_ verkende . . dese voerseyde albrecht den voerscreuene_ didderic . . desen voerscreuene_ Camp lande weder over tien pont suarter + tor_ . . ene_ ? + den grote_ tornoysen mu_te_ des coninx van vrancrike voer sestien pe_ni_ghe gherekent oft payments dat daer goet voer is . . erfliker en_ jaerliker rente_ . . alle jaer den voerseyde_ albrecht en_ nae hem sine_ Erfname_ te + betalen tot eweliken jare_ . . vande_ voerseyde_ didderic oft van sine_ Erfname_ . . op sente jans misse baptisten te middezomer . . jn dusdanigher maniere_ . . als oft gheviel dat dese voerseyde didderic oft sine Erfname_ . . dese voerseyde jaergulde niet en betaelden als voerscreue_ is . . dat dan dese voerseyde albrecht oft sine erfname_ oft hare zeker bode . . vertere_ mochte_ vertiennacht al omme naeste voeghende den voerscreue_ daghe . . tue grote tornoyse der voerseyder mu_te_ . . welc tere_ghe en_ jaergulde voerscreue_ tesame_ . . vetreyken en_ betalen solen . . didderic oft sine Erfname_ voerscreue_ . . albrechte en_ sine_ Erfname_ voerscreue_ ten iersten als die viertiennacht omme~come_ sijn . . sonder enech langher vertrec . . jn orconde der waerheyt is dese brief bezeghelt metten zeghel ons ghemeyns scependoems van oyen . . jn den jare ons h_en dusent drie + hondert Ses + en_ dertich des diensdaghes nae des sacraments dach . -