Corpus Van Reenen-Mulder (CRM14): Oorkonde L096p38501

K˚nt ende kenlijc sij alle_ lude_ mit dese_ apene_ brieue dat wij Jan heer van meghe_ en_ van haeps ghesekert hebbe_ en_ gheloeft / sek_en en_ geloue_ in goede_ trouwe_ bij onser eren dat wij Jan van berlaer he_ van helmont en_ van kirberghen sine_ erue_ of houder des briefs mit sine_ wille quijt en_ scad?loes soele_ hauden als van drien + honderte_ vrancriicsche_ scilden goet va_ goude en_ gherecht va_ ghewichte ocht die werde daer voer in andere_ goeden goude op sente mertens dach in + de_ winter nv neest toe~come_ te betalen die wilcke wij Jan He_ va_ meghe_ en_ va_ haeps Ja_ne van berlaer he_ va_ helmont en_ van kirberghen en_ Jan sarijs van erp samelic ghelaeft hebben aen hant gherits van meerwijc of siinre erue_ of helder des briefs mit sine_ wille En_ weert sake dat wij Jan he_ va_ meghe_ en_ va_ haeps voers_ / Jan va_ berlaer he_ van helmont en_ va_ kirberghe_ voers_ siin erue_ of helder des briefs mit sine_ wille vander voers_ gheloefte_ niet en quiten / soe sekere_ wij en_ ghelaue_ in goede_ trouwe_ en_ bij onser ere_ daerenteinden tot mani_ghe_ Jans van berlaer he_ van helmont en_ va_ kerberghen voers_ siins boden of helder des briefs mit sine_ wille die ons niet vorder mane_ en dorue_ dan aen onsen mont ocht aen onser weer daer wij nv ter tijt wonachtich siin in te come_ mit twe perde_ ocht ene_ eersame_ man mit twe perde_ gelijc costelic ons selue_ voer ons in sende_ tot rauenstein oft tot graue soe waer dat Jan van berlaer voers_ siin erue_ of helder des briefs mit sinen wille willen in een van desen tween steden voers_ al daer te ligghen in een herberghe die ons jan van berlaer voers_ siin erue_ of helder des briefs mit sine_ wille wisen sal daer in te leiste_ als eersam lude / ende als gaste en_ elcs daghes rechte maeltiden te haude_ / ende onse_ cost en_ teringhe ocht diere die wij voer ons soelen seinden sullen wij selue_ aen den werde ocht aen der werdinne_ in + der voers_ herberghe_ werue_ ende quite_ / Mede sal nae den voers_ termiin der betalinghen op dit voers_ gelt alsoe langhe als dat ombetaelt blijft eillichs daechs een pene gaen va_ ene_ halue_ aude_ guldene_ scilde der monte_ voers_ / Nochtant en sal onser en gheen ocht die voer ons in die herberghe leisten voers_ vter voers_ leiste_ sceiden den voers_ Jan van berlaer sine_ erue_ / ocht hauder des briefs mit sine_ wille_ / en we_ yerst vande_ vors_ ?oestoel van pene_ en_ van allen stade die daer op gheganghen we_ alinclike_ ghenoecht gedaen en_ wael betaelt sonder enigher~hande wedersegghe_ / Mede willen wij Jan he_ van meghen en_ van haeps voers_ en_ willecore_ dat omme ghebrec brekinghe ocht queistinghe eens zeghels ocht meer der zeghele_ / ocht om een transfixe ocht o_me meer transfixe_ die door dese_ brief gesteke_ worde_ ocht dat dese brief nat gaterich / ocht enich ongheual creghe / Daer om en sal dese brief des niet ghearghert worden noch ghelaect noch te meer begrepe_ worde_ noch te min beduden / maer hi sal in siinre volcome_re macht bliue_ ghelijc ocht hi gands gheseghelt weer en_ sonder ghebrec weer / Vortme_ zek_en wij Jan here van meghe_ en_ va_ haeps voers_ ende ghelauen in goeden trouwe_ en_ bij onser eren Jan van berlaer he_ va_ helmont en_ van kirberghe_ voers_ sine_ erue_ ocht hauder des briefs mit sine_ wille alle dese voers_ sake_ en_ p˚nte_ alinclike_ en_ altemael wael te haude_ sonder enich wedersegghe_ Jn orkonde al deser voers_ dinghen hebbe_ wij Jan he_ van meghen en_ van ha?ps voers_ onse zeghele aen dese_ brief ghehanghen Gheg_ Jnt Jaer ons h_en Dusent drie + honder vijf en_ tachtetich des ander daghes na sente mertens dach in + den winter