Corpus Van Reenen-Mulder (CRM14): Oorkonde L099p36501

Wy h_man bollekens soen art die kot jan m_sma_ die jonghe En_ art arnt demoden soens soen die aude Scepene jn Os doen Cont @ allen luden en_ betughen jn desen brieue Dat voer ons qua_ jan luten soen was En_ droech op Godeken delien soen elf hont lants @ gheleghen after scadewijc optie ghemeynt tusschen erffennisse arts art demoden soens soen ons samenscepens voers_ optie een side @ en_ didd_ic des vroden soen was optie ander side En_ een stuc lants gheleghen in lieuekens camp tusschen erffennisse heyne_ venbosch optie een side En_ nycoel he_nen soens en_ henniken heyn Rutghers soens optie ander side ghelijc alst daer gheleghe_ js En_ enen @ hont lants gheleghen op ghenen brant tusschen erffennisse jans van Couden optie een side en_ heyn demoden soens soen optie @ ander side alsij seyden En_ verteech hijr op tot behoef godekens vors_ En_ gheloues hom te w_en op hom en_ op sijn goet voer een @ eyghen goet alle voerco_m__ en_ alle aentael af te doen tot eweliken daghe_ Ghegheue_ ond_ den zeghel ons ghemeyns scependoms @ van Os jnt jaer ons heren Dusent Drie + hond_t Tsestich en_ viue Des sondaechs nae sente vale_tijns dach des bisscopen .