Corpus Van Reenen-Mulder (CRM14): Oorkonde L099p36701

Wi didderic van heys heyne wemelken / robken hennen soen / en_ jan weylen soens soen / Scepen_ jn os doen cont allen luden / en_ betughen jn desen briue dat vor ons quam / heyne herma_ hillen soens soen was / En_ heeft opghedreghen didderic sinen broeder / die helfte van dien huys en_ hoeue met der helfte van dien campe daer aen gheleghen / tuschen erfnisse belen va_ den graue / en_ haren kind_en op die een side / en_ die ghemeyne strate op die ander side / dat haers vader gheweest hadde / en_ daer hi jn bestarf / Enen marghen lands op den brant gheleghen / tuschen erfnisse didderics vors_ op deen side en_ jans sijns broeder op die ander side / En_ een stuc lands op westeracker aen dat wester vandoer gheleghe_ / tuschen erfnisse jans vors_ op deen side en_ jans gruters / deenkens grut_s soen op die ander side / als hi seyde / en_ verteech daer op tot sinre behoef / en_ gheloefts hem te w_en vor een eyghen ? allen vorco_m__ en_ al aentale af te + doen / Sonder vyt~ghenoemen alsulken tins als + men daer jaerlics vyt gheldende is / Ghegheuen onder den Seghel ons ghemeyns Scependoems va_ os jnt jaer ons h_en dusent + / drie + hondert + / tsestich + / en_ seuen / des sondaghes vor sente Pouwels dach Conu_sio