Corpus Van Reenen-Mulder (CRM14): Oorkonde L099p37501

Wy Lambrecht die moelner / sander claes soen Rubbe peters soen / en_ Rubken hennen soen / scep_en @ in Os doen cont allen luden / en_ betughen in desen brieue / Dat voer ons quam / heyn Jans soen van @ Loet was / en_ heeft opghedreghen belen sijnre sust_ Jans dochter voers_ die helft van eenre hofstat lands @ daer Jan van loet voers_ op te wonen plach / gheleghen tuschen erffennis zelen vilts op die een side @ en_ maes vroeden erfghenamen op die ander side / noch die helft van ene_ stucke lands op den ernysse_ beempt gheleghen tuschen erffennis gherart kopkens op die een side / en_ ghiselen van vden op die @ ander side / noch die helft van ene_ stucke lands in die spoelduuch gheleghen / tuschen erffennis agnesen kijnd_en van loet op beyden siden / als si seyden / En_ heyn voers_ verteech daer op tot belen behoef voers_ / en_ ghelouedes haer te weren / op hem / en_ op alle sijn goet voer / een eyghe_ goet @ alle voerco_mer / en_ alle aentael af te doen tot euweliken daghen / sonder enich weder~segghen @ Ghegeuen onder den zeghel ons ghemeyns scependoems van Os Jnt Jaer ons h_en Dusent Drie @ hondert Tsouentich / + en_ viue / Des saterdaghes nae kersdach