Corpus Van Reenen-Mulder (CRM14): Oorkonde L104p32601

Wi didderic van brede en_ nenneke_ van wamel scepen binne_ herpe_ tughe_ / dat herman meyst_man en_ yde sijn wijf met hore_ ghecore_ monb_ die hoer mette_ vo_nis ghegheue_ waert q_men vor de_ richt_ en_ vor ons scepe_ en_ v_cofte_ lambrechte de_ brune_ tot des heylighes gheysts behoef vijf hont en_ seue_ en_ d_tich rode_ eyghe_s lants en_ droghent lambrecht hijr vorghenoe_t op en_ v_tieghe_ d_ na op alsoe dat vo_nis wijsde dat lambrecht tot heylighes gheysts behoef vast en_ weer erflike_ en_ ewelike / voert soe ghelouede herman meyst_ma en_ la_brecht goeswijns sone op home en_ op hoer goet lambrechte tot heylighes gheysts behoef des vorghenoe_ts lants te were_ iaer en_ dach vor alle die ghene die ten recht come_ wille_ en_ alle vor~co_mer af te done en_ naerscap en_ dijc~vri en_ ceyns~vri te were_ / yn orco_de des soe heb wi desen brief beseghelt met onse_ seghele_ ghegheue_ int iaer ons here_ duse_t drie ho_d__t en_ ses en_ tuintich des vridaghes na sente victoers daghe