Corpus Van Reenen-Mulder (CRM14): Oorkonde L104p35401

Wij heynric de w˚este en_ ansem Ne_nekens soen Schepen in herpen tughen dat voer ons quam didderic Cluker en_ bekende hem hebben ontfaen van heynric den Smit ?ckards soen eylf hont lands . gheleghen in + der Schered˚nc tusschen lant iohan wreden ghiselb_ soens aen beyden Sijden voer ene_ iaerlicschen erfpacht . van vier ponden den Selue_ heynric te betalen op Su_te Colb˚rghen dach te ingaenden meye naest + toecoemende / voer den irsten t_mijn En_ alsoe voert~aen alle iaer vp den Selue_ voersc_ dach / in payment als dan ghenghe en_ gheue wesen Sal . . Mede bekende hem die voersc_ didderic Sculdisch te wesen vyt vier honden des voersc_ lands . enen iaerlicschen erfpacht . van enen ponde tsiaers . iohan den Coster van Su_te elsbeyn tot den graue / vp den voersc_ dach . in payment . als voersc_ is . Oec Sijnt voerwarden dat didder_ voers_ sh_en tijns van dese_ voersc_ lande / betalen Sal . voer heynr_ voers_ als eyn boede / en_ hij Salt mede verpleghen van dyke van weteringhen die daer van recht toe hoeren en_ van allen onraeden die daer vp Coemen m˚eghen . En_ vp~dat dit heynr_ voersc_ ewelike vast en_ stede Sij Soe heeft hoem didder_ voerghen_ onderpande gheset enen m_ghen lands . gheleghen inden Reke . . tusschen lant des voersc_ didderijx aen die ene side en_ lant jutte ghiben van loen aen dander side . dien hij in pacht heeft voer tien scillinghe tsiaers . . en_ heeft hem mede gheloeft . vp hoen en_ vp Sijn g˚et dien voersc_ m_ghen allen weghe vrij te w_en voer allen and_en onraet die daer vp were of naemaels Coemen mocht . jn orku_de des bryefs beseghelt met onsen seghelen / ghegheu_ int iaer ons h_en dusent drie + hond_t . + en_ vire + en_ + vijftich des So_nendag___ nae ons_ vrouwen die + me_ in latine heyt . assu_ptio marie .