Corpus Van Reenen-Mulder (CRM14): Oorkonde L104p35801

Wj heynric die w˚est / en_ jan husinc Schepen in herpen tughen dat v˚er ons quam Goswiin van ? / en_ droech op mit Shoefs hant Rutgher ghijsbrechts Soen Tot behoef didderix yuwans Soen van den graue een vierdele boenres gheleghen in die herpensche b˚enre Tusschen lant des p_soens van h_pen aen die een zide en_ tusschen lant maes ? aen die ander zide en_ v_teech daer nae op in behoef ghelijc als v˚ersc_ is en_ ghelouede oec goswiin v˚ersc_ en_ goswiin m_selijs Soen van ? rutgher v˚erghen_ jn behoef didderix v˚erscreuen dit v˚erghen_ vierdele b˚enres te weren iaer en_ dach en_ allen v˚erco_mer af te doen zonder wtghenomen vijftien penningge tijns jn orcu_de des briefs bezeghelt mit onsen zeghelen Ghegeuen jnt jaer ons h_en dusent drye + hondert acht en_ viiftich des anderen daghes nae dertiendaghe . . .