Corpus Van Reenen-Mulder (CRM14): Oorkonde L104p35901

Wi heinric w˚est / en_ ansen nennekens zo_ . Scepen in herpe_ tughen dat v˚er ons quame_ . sele weyer . Jutte Siin wittelec wiif met hu_en ghecoren mo_baer die h˚er daer toe metten vonnis ghegeuen wart en_ jan . alart . heine en_ matheuus iutten kijnder en_ droghen op janne wieden tot behoef didderix yuwans zo_ was van den graue . Seste + half hont lands ghelegen in die herpensche b˚enre tuschen erfnisse wouters van meerwijc aen die een zide en_ heylwijch ver edelden kijnder aen dander zide / en_ verteghen op deze Seste + half hont lands v˚erscr_ tot behoef ians v˚erscr_ v˚er en_ nae in behoef didderix v˚ern_ alsoe dat tfonnis wijsde dat der zele noch iutte en_ h˚er kijnder niet meer rechts aen en behielden / en_ gheloefden op hu_ en_ op h˚er goet zele iutte en_ h˚er kiinder janne v˚ern_ des v˚ern_ lands te weren tot behoef didderix v˚ern_ iaer en_ dach en_ allen v˚erco_mer af te doen v˚er alle die ghene dies te daghe en_ te recht comen willen Sonder wtghenomen weteringe die der met recht toe h˚ert mede is te weten dat naerscap af is ghedaen met vonnis en_ met recht Jn orkunde des briefs bezeghelt met onsen zeghelen Ghegheuen jnt jaer ons heren dusent drie + hond_t vijftich en_ neghen des and_en daghes nae onser vrouwen dach als men kerssen b˚rnt .