Corpus Van Reenen-Mulder (CRM14): Oorkonde L104p36302

Wij heinrijc die wuest en_ ian manghelaert Schepen in herpen tughen dat voer ons siin comen ghoeswijnt merselijs zoen van mameren en_ mechtel Siin wittelijc wijf met horen ghecorene_ mu_bor die hoer daer toe bij den vonnisse vaert ghegheuen en_ hebben enen erfwissel ghedaen van viertien honden lands teghen lambrecht ian baten zoens zoen van den bossche wolijc voers_ lant streckende is neven dossen~donc op aleiten denkens kamp met den enen einde en_ ten bennenlaer~vaert met den anderen einde en_ verteghen daer na op alsoe dat tfonnisse wisede dat sij daer nyet me_ rechts aen en behielden en_ ghelouen dese voers_ ghoeswijnt en_ mechtelt dit voers_ lant te waren lambrecht ian baten zoens zoen met der weterijnghe die daer toe hoert op hoen en_ op hoer goet iaer en_ dach voer allen den ghenen dies ten rechts comen willen Sonder dicke en_ sonder tijns en_ allen voerco_mer af te doen Gheg_ int iaer ons h_en dusent drie hondert drie ende tsestich des dinsdag_ na paesschen