Corpus Van Reenen-Mulder (CRM14): Oorkonde L149p38401

Wi jan ghiben kesselmans sone jan gheertruden sone aert poeldonc en_ philips van hynen scepen in heze maken cont allen luden dat voer ons comen is heylwiich gheriit leeuwen dochter wilneer was met huere_ momboer die si met recht ghecreghen heeft en_ heeft helmelinghe verteghen op een stuc lants gheleghen in die prochi van Roessmalen ter stat gheheyten ane ghenen kayenberch tot behoef lisbetten huerre suster beneue_ erffenisse in beyden siden brues balen soens dat hi ghepacht heeft teghen gheriit van eyke en_ heylwiich voers_ met huere_ voers_ mo_boer dat helmelinghe vertien gheloeft stede en_ vast te hauden op huer en_ op al huer goet tot ewighen daghen sonder ennich weder~segghen voert~ane eest vorwaerde storue dese voers_ lisbet sonder ghebuert soe soude did voers_ stuc lants ghaen den wech diet come_ were jn kennissen der waerheyt soe hebben wi scepen van heze onsen ghemeynen seghel hier ane ghehanghen ons ghemeyns scependoms ghegheue_ jnt jaer ons here_ dusent drie + hondert tachtentich en_ vier op seylichs crwys dach