Corpus Van Reenen-Mulder (CRM14): Oorkonde L152p38301

Wij jacob van meerlaer ghibe claes zoen van meerlaer jan van scerpenberge en_ Jan die mersman Scepen in vden tugen in desen brieue dat vuer ons come_ is lambrecht Symoens zoe_ van + der houe_ en_ heeft opgedrage_ mit shoefs hant jacob den vischer ene_ plac heyden gelege_ in + den hempthouelschen bosche tusche_ erfenis des heylichs gheests aen die een zide / en_ erfenis jans van henpthouel aen die ander zide / en_ heeft daer nae op vertege_ tot behoef jacobs vors_ voert heeft lambrecht vors_ geloeft op he_ en_ op Sijn goet jacob vors_ des erues vors_ te w_en jaer en_ dach tegen alle die ghene dies te dage en_ te recht come_ willen en_ alle vuerco_mer af te doen wytgenome_ sesse pe_ninge tijns den h_e van + den lande daer erfelijc siaers wyt te gelden Jn orcunde des briefs bezegelt mitten zegel ons gemeyns scependoms van vden Gegeue_ jnt jaer ons h_en Dusent drye + hondert drye en_ tachtentich des Sonnendages vuer Sinte margrieten dach . .