Corpus Van Reenen-Mulder (CRM14): Oorkonde L159p38601

Wij Roelof huysraet ende jacop bluem Scepen tot kuyc tughe_ in dese_ opene_ brieue dat voer ons ende voer + de ghesete_ richter als in + de_ ghericht come_ siin jacop zeebbrechts soen ende stiin siin wittighe wiif mit hoere_ ghecore_ mombaer die hoer mit recht ende mit vo_nis ghegheue_ w_t ende hebbe_ vercocht ende opghedraghe_ aen srichters hant een erfmander rogghe_ siaers graefscher mate_ vter hoere_ huse ende hofstat dat sij ligghe_ hebbe_ bi roelofs hane_ huse aen die een side ende heinke_ didde_soens aen die ander side tot behoef h_en plunis canonic totte_ graue ende sine_ rechte_ erue_ ende hebbe_ den voers_ rogghe voer opghedraghe_ ende na halmelic daer + op verteghe_ soe dat vonnis wijsde dat si mit recht daer niet meer toe te segghen en hedden en_ daer aen onterft weren en_ her plunis ende siin erue_ daer aen gheuest ende ghestedicht were_ ten ewighe_ daghe_ / Ende do dit ghesciet was bekende die richter dit voers_ mander rogghe_ siaers h_en plunis en_ sine_ erue_ te hoere_ recht behaudelec alremallic siins goede_ rechts / welc voers_ mander rogghe_ sij tale_ soele_ h_en plunis of sine_ erue_ alle jaer op sente peters daghe ad cathedram / En_ weert sake dat siis niet en taelden opte_ voers_ t_miin soe sunt vorwarde dat he_ die richter wt sal peinden aen + de_ voers_ huse ende hofstat ghelijc me_ pacht en_ jaergulde wt pleech te peinden / Vort heeft jacop ende stiin voers_ ghelaeft heren plunis en_ sine_ erue_ op he_ en_ op hoer goet dit voers_ mander rogghe_ siaers te were_ op dit voers_ huys en_ hofstat jaer en_ dach ende al voerco_mer af te doen voer al die gheen dies ten recht comen wille_ / sonder twe capune die me_ den heer daer jaerlics wt geldende is / al sonder arghelist / Ende wa_t ic jacop bl˚em voers_ ghene_ seghel en hebbe soe hebbic ghebede_ ene_ goede_ eersame_ man roelof den haen onse_ medescepe_ dat hi dese_ brief voer mj beseghelen wil / En_ jc roelof die haen scepe_ tot kuyc om bede_ wil jacops voers_ hebbe dese_ brief mit roelof huysraet voers_ besegelt mit onse_ seghele_ Geg_ jnt jaer ons h_en dusent drie + hond_t sesse en_ tachte_tich des sondaghes voer sente michiels daghe