Corpus Van Reenen-Mulder (CRM14): Oorkonde L159p39401

Wij pet_ hostadel en_ jacop bluem scepe_ tot kuyc tuge_ in dese_ apene_ brieue dat voer + de_ gesete_ richt_ en_ voer ons als in + de_ gericht come_ siin jan van + de_ hoge_gaet en_ lijsbet siin wittige wijf mit hoere_ gecore_ mo_ber die hoer mit recht en_ mit vo_nis gegeue_ waert en_ hebbe_ op~gedrage_ aen des richters hant tot behoef derics goyens soen en_ sine_ rechte_ erue_ een erf~mand_ rogge_ siaers nymechscher mate_ te tale_ alle iaer op sente mertens daghe sbisscops in + den wint_ vter sine_ alinge_ campe daer hi op wonende is die gelege_ is mitter eenre side_ neue_ die hautert en_ mitter ander side_ neue_ de_ gemeyne_ wech En_ hebbe_ dat voers_ mand_ rogge_ siaers voer op~gedrage_ en_ na halmelic daer op vertegen soe dat vo_nis wijsde dat si mit recht daer niet meer toe te segge_ en hedde_ en_ daer aen onterft were_ en_ deric voers_ en_ sine_ rechte_ erue_ vast en_ stede weer / En_ doe dit gesciet was bekende die richt_ dat voers_ mander rogge_ siaers deric voers_ en_ sine_ rechte_ erue_ te hoere_ recht behaudelic en yegeleke_ siins goede_ rechts / Mede is voirwarde dat deric voers_ of siin erue_ dat voers_ mand_ rogge_ siaers iaerlics / iaerlics ontfange_ soelen op + de_ voers_ ca_pe daer ja_ voers_ nv op wonechtich is / en_ dan saelt he_ jan voers_ of siin eruen co_merloes tot moudic in + de_ derpe leuere_ / En_ weert sake dat ja_ en_ lijsbet voers_ d? voers_ mand_ rogge_ siaers niet en taelde_ op + de_ voers_ taeldach soe eest vorwarde dat d? richter deric voers_ of sine_ erue vyt sal peynde_ als me_ pacht en_ iaergulde vyt pleech te peynde_ / Voert hebbe_ ja_ en_ lijsbet voers_ gelaeft op he_ en_ op hoer goet deric voers_ en_ sine_ rechte_ erue_ dat voers_ mand_ rogge_ siaers in + de_ voers_ erue te were_ iaer en_ dach en_ al voerco_mer af te doen voer al + die gene dies ten recht come_ wille_ / sonder vier pont payments die hi daer iaerlics vyt geldende is / al sond_ argelist jn ke_nissen der waerheit soe hebbe_ wij scepe_ voers_ onse segele aen dese_ brief gehange_ Geg_ int iair ons h_en dusent drie + hond_t vier en_ nege_tich op sente andries auont apostels