Corpus Van Reenen-Mulder (CRM14): Oorkonde L159p39901

Wij jacop zeebbrechs soen en_ Roelof huysraet scepen tot kuyc tugen in desen apene_ brieue dat voer + de_ gesete_ richter en_ voir ons als in + den gericht comen siin ja_nes Roelof huysraets soen / en_ geertruyt siin wittige wijf mit hore_ gecore_ mo_ber die hoer mit recht en_ mit vo_nis gegeue_ waert / en_ hebben op~gedraghen aen des richters hant tot behoef dyrcs arnt knape_ + soens soen / en_ sine_ rechten eruen / dertiende + half vaet rogghen siaers graefscher maten die si jaerlics op sente m_tens dage sbisscops vter piecshoeuen geldende hadden / en_ hebben dat voer op~gedragen en_ na halmelic daer op verteghen soe dat vonnis wijsde dat si mit recht daer niet meer toe te segge_ en hedde_ en_ daer aen onterft weren En_ dyrc voirs_ en_ sine_ rechte_ erue_ vast en_ stede weer En_ doe dit gesciet was bekende die richter die voirs_ dertiende + half vaet rogge_ siaers dyrc voirs_ en_ sine_ rechte_ erue_ te hore_ recht behaldelic en ygelek? siins goede_ rechts / voert hebben ja_nes en_ geertruyt voirs_ gelaeft op he_ en_ op hoer goet dyrc voirs_ en_ sine_ rechten eruen den voirs_ rogge in + den voirs_ erue te weren als voirs_ is te weren iaer en_ dach en_ al voerco_mer af te doen voer al die gene dies ten recht come_ willen / al sonder argelist / Jn ke_nissen der waerheit so hebben wij scepen voirs_ onse zegele aen desen brief gehange_ / Geg_ int iaer ons h_en dusent drie + hond_t negen en_ negentich op sente kat_inen daghe