Corpus Van Reenen-Mulder (CRM14): Oorkonde L179p36901

Wij Gherong Die snyder jan van + den boerne Daneel Engbrechts sone jan metten sone heynric goedeweert jan van + den houel / Ende claus haghen Scepene_ in schijnle Doen cont Enyegheliken dat voer ons sijn comen lambrecht en_ Rycart ghebrudere wittighe kijndere wilen jonghe Lambrechts laecs Ende hebbe_ ghezam_der hant en_ onghesceyden opghedraghen ende ouerghegheue_ jan rycarts sone van + der voert terden + deel van + den weyde~campe m_ al sijnre toebehoerten gheleghen in Eerde in die p_chie van schijnle metter eenre siden gheleghen neuen Erfenis Gherijts van + der voert en_ metter ander siden neue_ erfenis erfghenam_ jans va_ + der voert Ghelijc alst hon verstorue_ js en_ toecome_ van dode Rycarts van + der voert ho_en auder~vader En_ dese voers_ lambrecht en_ rycart ghebrudere verteghen daer helmelinghe_ op ghezam_der + hant tot behoef jan Rycarts sone Voert hebben gheloeft dese voers_ lambrecht en_ rycart ghebrudere ghezam_der + ha_t Op hon en_ op al hoer goet den voerscr_ jan rycarts sone dopdraghen douergheue_ en_ tfertyen voers_ Ewelec vast en_ stedich te + hauden sonder Enych weder~segghe_ En_ al + cu_mer af + te + doen vytghenome_ tsh_en tsijns En_ hebbe_ voert gheloeft op hon en_ op al hoer goet dat si Die onmu_dighe kijndere die Recht hebbe_ ane dit voers_ derdendeel van + den voerghenoe_den weyde~campe alsi tot ho_en mu_dighe_ daghe_ comen sijn dese voerwaerde soelen doen concentere_ stat en_ vast te + hauden ewelec sonder enych wweder~segghe_ bezeghelt metten ghemeynen zeghel Ons Scepe_doms van schijnle ghegheue_ jnt jaer ons heren dusent drye + hondert tsestich ende neghen opte_ naesten mane_dach na sente dyonijs dach . . . .