Corpus Van Reenen-Mulder (CRM14): Oorkonde L188p36901

Wij Scepen_ van Sanbek tugen gemeynlic in desen apen_ brieue / dat voir den richter en_ voir ons comen Sijn gobbel becke van ghenen ouerrade en_ margrite Sijn wittige wyf mit huren wittighen monber / ende hebben samelik vercocht / heynken van ghenen rade en_ aleiten Synen wiue en_ huren erue_ twee malder rogghen twelf sanbeksche vate voir tmalder gerekent in huys ende in hoff ende in hoer deel van + den campp die daer aen geleghe_ is / ende in hoer deele van + de_ hondenberch gelege_ neue_ jacobs lande sdoerwerders mit der eenre ziden / en_ voirt in enen morghen lans teghen angersen gelege_ in den nederen velde / en_ gheheiten is die werdacker / te + betalen erfliken alle jaere op Sinte mertens daghe sbisscops in den wynter / Ende weert dat Sake dat Sij des niet en deden / soe eest vorwarde dat die richter van Sanbek vit sal peynden heynken en_ aleiten voirscreue_ en_ huren erue_ / alle jaere / dese voirs_ twee malder rogghen / aen allen gode en_ erfnissen voirgenoemt naest der heren tijns / als men pacht en_ tijns Sonder ennich argelist vit te + peinden pleght / jn ons gemeyns Segels orconde aen desen apen brieue ghehange_ / Gegeue_ int jaere ons h_en dusent drie + hond_t negen en_ tsestich op Sinte mertens dage sbisscops in den wynt_