Corpus Van Reenen-Mulder (CRM14): Oorkonde L190p39201

Wij ghemeyne Scepene van veirlinxbeke tugen dat voir den ghezetene_ richt_e ende voiir ons als int gericht comen is / aleit henrix docht_e van + den houel wilnere was mit horen vercoren monber die oer mit recht ende mit fonnis gegeuen is / Ende heet mit horen vrien wille opghedraghen Johan van zellair / al alzulc goet erue ende pacht als aleyt voirs_ heet bynnen den gericht van veirlinxbeec mit al sine_ toebehoir ende dat ian ouelionx geweest had Ende dese voirseide aleit met horen monber voirs_ heet dit voirs_ goet / erue / ende pacht janne voirs_ voir also op~gedragen mit der hant des richt_s also gestedicht ende gevest . ende nae halmelic dair op verteghen als recht is en_ gewoenlic / dat tfonnis heift gewiest dat aleit voirsc_uen daer af onterft is en_ hoer erue_ ende dat Johan van zellair voirsc_uen dair aen gevest is en_ geerft ende sijne eruen . Sonder argelist . jn orconden der wairheit besegelt mit Onsen gemeine_ segel ons scependoms voirg_ Ghegeuen int jaer ons h_en dusent dri + hond_t twee ende tneghentich op ten tyenden dach van + den mey der maent . .