Corpus Van Reenen-Mulder (CRM14): Oorkonde L190p39202

Wij ghemeyne Scepene van veirlinxbeke tugen dat voir den gesetenen richt_ ende voir ons als int gericht come_ is . aleyt henrix docht_ van + den houel wiln_e was Ende heet bekent dat sij sculdich is van recht_ wittiger scout janne van zellair / hondert aude scilde ende vijftich aude scilde mu_ten skeisers / Of sconinx van francrijc goet van goude ende gerecht van gewicht . te betalen tot manyngen jans voirseit of sijnre erue_ / of sijns gebreke / Ende vit te doin peynden aen alle alzulkenen gode als aleyt voirseit heet binnen den gericht van veirlinxbeke mit sinen toebehoir / dat jan oueliongs wiln_e was geweest had / als scout voir die banck int gericht mit allen recht verwonne_ ende bekent . Sond_ argelist . jn orconden der wairheit bezegelt mit onsen gemeyne_ segel ons scependoms voirg_ Gegeue_ int jaer ons heren dusent dri + hondert twee en_ tnegentich Opten tienden dach mensis maij d_ maent . .