Corpus Van Reenen-Mulder (CRM14): Oorkonde L200p33401

Wij jan van + den broeke / en_ herman de pesser / scepene_ van zent~Odenrode / doen cont Hem allen die dese lett_en / zolen zyene of horen lesen / Dat voer ons / sijn comen / mathijs van + den broeke / wout_ sijn broder / henric mathijs zone / voers_ Hebben ghelou_ op hem en_ op hoer goet / gesam_der hant ongesceden en_ en ygelijc voer al / Ene_ eirsame_ man / her jan van + d_ voeren Com_duere van gemert / tot behoef des goedshues van ghemert / van den Cope / die hij ghedaen / + heit tiegen h_ janne van scepstale / als van d_ tienden van mijllehe m_ horre toe~behorte / alse v_re alse h_ jans was / en_ hi + se u_coft heit / daer af alle uaerscap / en_ alle uoercomm_ / af te + doene / Ende gegherecht werscap / ghelijcke / als m_ erue sculdich is te + weren / te jare en_ te daghe / te doen / tieghen allen die te rechte willen com_ of zolen bezegelt m_ onsen zegelen jn de jaer ons h_en / als m_ scriju_ dusent drie + hondert dertich end vijre / op zent lambrechts dach busscop /