Corpus Van Reenen-Mulder (CRM14): Oorkonde L200p37801

Wij lambrecht vten bossche / en_ peter loue_ soen was / scepene_ jn Sent~Oden~Rode / doen cont enyegheliken / dat voer ons sijn come_ / Roelof en_ Henric ghebrud_e / soene didderics van + den broke / en_ hebben wittelijc vercocht / didderijc gheheyten lecker wittich man Sophyen dochter mathijs die + men heit Jonghe thijsken een mudde rogghen jaerlijcs en_ erfelijcs pachts der maten van Rode / alle Jaren op onser vr˚wen lichtmys dach / den voers_ didderijc cop_ / van Roeloue en_ Henrijc vercop_ e voers_ te + ghelden erfelijc en_ te + betalen Vyt ene_ stuc lants gheheyten Moyders ? gheleghen tusschen erfenis wilen Rouers die + me_ hiet van + den broke aen deen side en_ neue_ die ghemeyne straet aen dander side jn die p_chie van Rode als sij seden . Voert hebben gheloeft Roelof en_ henric ghebrud_ e vercop_ e voers_ / op hen en_ op al hoer g˚de / den voers_ didderijc cop_ / dit voersc_ mudde rogghen erfpachts jn die voerghenoemde onderpant te + weren als + me_ erue sculdich is te + weren / en_ dat sij al and_ en voerco_mer die daer jn weer / vutghenome_ tsh_en tsijns van + den gronde die + me_ jaerlijcs daer vyt ghilt als sij seden / den seluen didderijc cop_ altemael af sulen doen / bezeghelt mit onsen zeghelen Ghegheuen jnt jaer ons h_~en dusent drie hondert tseuentich en_ acht op sente jans auont baptist_