Corpus Van Reenen-Mulder (CRM14): Oorkonde L200p38901

Wij Lambrecht vten bosch / en_ Jan van + der weteringhen / scepenen Jn sent~Oden~Rode / Doen cont enyegheliken / dat voer ons is comen @ arnt gheheyten vrijnt van waderle / en_ heeft verliet vytghegeue_ en_ erfelijc verpacht / Rutgheren soen wilen Rutghers die + men heet @ van + den hout / sijn huysinghe met h˚eren hofsteden gheheyten onstaden met der honynghen / metten lande / en_ met der coppelen die @ daer bij en_ daer aen gheleghen sijn / gheleghen metter eenre siden langhs neuen die ghemeyne strate / en_ metter ander siden strec~kende Neuen die do_mel / En_ neuen erfenys Ghijsbrechts gheheyten sceynel / streckende m?n enen eynde aen erfenys der @ kijnd_e wilen wouters die + me_ hiet blomart / En_ metten and_en eynde streckende oec aen die do_mel / metter straten Ghelijc alse @ arnt vrijnt voirs_ toebehoerde / en_ metten beemden gheleghen tot verisel gheheyten die zegheworp / alsoe verre alse den voerg_ @ arnt vrijnt toebehorende waren / met alle_ en_ en + yegheliken h˚eren toebehoerten waer die gheleghen sijn / als hij sede / dat Js te @ weten O_me tderdeel van al en_ en + yegheliken alsulkene_ h_en tsijns als + men vten helen goede gheheyten onstaden Jaerlijcs ghilt @ en_ sculdich is te ghelden / Jtem o_me vier tsijns hoenre die + me_ vten voirs_ straten Jaerlijcs ghilt Jtem o_me die twe ghedeyke @ van enen haluen voeder tijnde hoys / die + men oec Jaerlijcs daer vyt ghilt / als hij sede / dien h_en tsijns / tsijns hoenre / ende tijnde @ hoye voirs_ sal R˚tgher pechter voirs_ op die scoutdaghe daer af daer vyt Jaerlijcs ghelden en_ sculdich sijn te verb˚eten Ende @ voert mere o_me sesse mudde Rogs Jaerlijcs en_ erfelijcs pachts der maten van sent~Oden~Rode / alle iaren op onser vrouwen lichtmysdach / den voirg_ arnt gheheyten vrijnt / van + den voirs_ Rutgher pechter te ghelden erfelijc en_ te + betalen / Voert heeft @ gheloeft arnt gheheyten vrijnt voirs_ op hom en_ op al sijn g˚ede / den voirs_ Rutgher pechter / al dese voirg_ erfenys die welke @ die hij hom verpacht heeft / als voirsc_ is / met alle_ en_ en + yegheliken h˚eren toebehoerten / ouer tsh_en tsijns / tsijns hoenre / Ende @ ouer tijnde hoye voirs_ / En_ Ouer dese voirg_ sesse mudde Rogs erfpachts / van al and_en voerco_mer die daer Jn were te vrien @ erfelijc en_ te weren En_ Rutgher pechter voirs_ heeft weder gheloeft als p_ncepael sculder / den voirg_ arnt gheheyten vrijnt dese voirg_ sesse mudde Rogs erfpachts alle iaren opten voirs_ scoutdach vter voirg_ erfenyssen te ghelden erfelijc en_ te + betalen @ En_ o_me~dat arnt gheheyten vrijnt voirs_ deser voirg_ sesse mudde Rogs erfpachts altoes te sekerre sijn sal / soe heeft hom @ Rutgher pechter voirs_ als wittich man en_ momb˚er lauen sijns wijfs / twe mudde Rogs erfpachts der maten voirs_ / Jn @ al sijn erfenys gheleghen tot Eerde Jn die p_chie van Rode / die welke der voirg_ lauen toe~come_ sijn en_ aen~verstoruen @ van h˚eren vader en_ van huerre moeder tot enen sekeren erfeleken onderpande dair Jn gheset en_ verbonden welke erfenys Rutgher voirs_ heeft gheloeft op hom en_ op al sijn g˚ede / den voirg_ arnt gheheyten vrijnt voir dese voirg_ twe @ mudde rogs erfpachts als tot ene_ erfeleken onderpande / ghelijc voirs_ is / altoes goet te maken en_ wael d˚eghende @ Bezeghelt met onsen zeghelen / Ghegeuen Jnt iaer ons h_en dusent drie + hondert tachtentich + / en_ neghen Opten pinxst auont