Corpus Van Reenen-Mulder (CRM14): Oorkonde L207p36801

Cont si allen luden die desen brief zullen sien of horen lesen dat Diderich troestgoeds vercocht heeft en_ opghedraghe_ den Comendure van ghemert eyn mander R˚ebzoids erflich der maten van ghemert / en_ diderich vours_ heeft ghekent en_ gheliet den comendure vours_ dat vours_ zaid erflich te gelden en jairlics te betale_ tot vnser vrouwen misse te halue_ ogheste vut diderixs erfnisse vours_ die gelege_ is in ploesterdonc neven heinrics sijns zoens erue aen die eine ziede en_ johan knoeps erue aen die ander ziede en_ vut einen bempde is gelege_ neven gheuarts erue van + der heiden die eine ziede en_ neven johans erue wouters swagher van + der beeke die ander ziede En_ dese vours_ voerwairde heeft diderich geloeft en_ ghemaect in sijne_ helen bedde / hier woren ouer gherard arnds soen willem van Scarpenborch / willem arnds smeders zoen / Arnd Maes zoen gheuart van stribosch / michiel ynghelen soen en_ johan die weelde als Schepene des Co_mendeurs van ghemert / en_ hebbe_ den zigel hoers Schependomps van ghemert vours_ aen desen openen brieue ghehange_ in ghetugenisse en_ in vasteide der waerheit . . Geg_ in + den jair vns h_en / M˚ . + ccc˚ / + en_ . + lxviij Sondaechs voir sinte S_uoes dach in + den meye