Corpus Van Reenen-Mulder (CRM14): Oorkonde L207p37001

Wij melijs va_ + den broeic gherart arts soen willem van scerpe_borch willem arts sniders soen gheuert van stribossche Michghiel enghelen soen ende jan die welde / scepen des co_menduers van ghemert / tughen in desen openen brieue / dat voer ons is comen heyne van welle in sinen alinghen bedde doe hi sijns gods mechtich was / en_ heet v_cocht den co_menduer van ghem_t een pont erfelec tot des ordens behoeyf vyt enen campe die gheheiten is verren yden campe / die aen die een side strect aen aert stanssen soens erue ende aen die ander side aen der he_e erue va_ ghem_t al~solkens paymens als alle weghe ghenghe en_ gheue sal sijn tot ghem_t op den pinxdach vyt~ghenomen twe . s_ . paymens en_ twe honre dye men daer jaerlijx te tijnsse vyt ghilt om veirtien + pont die hi hem kent va_ + den co_menduer va_ ghem_t wael betaelt welc pont heyn voers_ den comme_duer voers_ gheloeft heeft te betalen op den pinxdach in orco_de der waerheit so hebbe wij scepen desen brieyf beseghelt met onsen ghemeynen seghel ghegheue_ in den jaer on he_e dusent drie + hondert en_ tseuentich op den sente jans dach te middesomer