Corpus Van Reenen-Mulder (CRM14): Oorkonde L207p37002

Wij . Melijs van + den broec Gherart Arnts soen / willem van Scarpenb_ / willem sniders soen / Gheuart van Stribosche Mychiel Eynghelen soen / en_ Jan die weelde Scepen des Come_d____ van ghem_t tughen in desen openen briue dat voer ons is comen Arnt voghel in sinen alinghen bedde en_ machtich sijns goeds / en_ heeft vercoft den Comend_ van ghem_t tot des ordens behoef een pont des iaers erfelec alsulkens payments als alle iare ghenghe ende gheue sal sijn tot onsen vrouwen lichtmisse als sijn scoudich sal sijn om veertien pont die hi hem van + den Comend_ kent wael betaelt vuyt enen stucke lands is gheheiten die campe die strect aen die een side aen Arnts boeghaert vors_ en_ aen die ander side aen Arnts stansen soens landt welke campe vertijnst met tween scillinghen nuwes tijns . Jn orconde der waerheit soe hebben wij onsen zeghel des Scependoemps van ghem_t aen desen brief ghehanghen int iaer ons h_en doe + men screef dusent drie + hondert en_ tseuentich op + den sente jans dach bapt_