Corpus Van Reenen-Mulder (CRM14): Oorkonde L207p37003

Wij Melijs van + den broec / Gherart Arnts soen willem van Scarpenb_ willem Arnts sniders soen Gheuart van Stribosche Mychiel Eynghelen soen / en_ Jan die weelde Scepen des Come_d____ van ghem_t tughen in desen openen brieue / dat voer ons is comen Melijs van + den broec vors_ in sinen alinghen bedde doe hi sijns goeds machtich was en_ heeft vercoft den Comend_ van ghem_t tot des ordens behoef een pont tsiaers erfelec alsulkens payments als ghenghe en_ gheue is alle iaer te betalen jop onsen vrouwen dach als + men kerssen bernt / welc pont willem die weuer gheldende was Melijs van + den broec vors_ vuyt enen huyse en_ houe dat hi ghecreghen van braecman . van welken coep Melijs vors_ ghiet en_ kent hem wael betaelt Jn orconde der waerheit so hebben wij onsen zeghel des Scependoemps van ghem_t aen desen brief ghehanghen int iaer ons heren do + men screef dusent drie + hondert ende tseuentich op sente Jans dach te midde~zomer - -