Corpus Van Reenen-Mulder (CRM14): Oorkonde L207p37004

Wij Melijs van + den broec Gherart Arnts soen / willem van Scarpenb_ Gheuart van Stribosche / willem Arnts sniders soen Jan die weelde en_ Mychiel eynghelen soen scepen tot ghem_t tughen in desen openen brieue dat voer ons is comen florens van werrenb_g / doe hi sijns goeds machtich was in sinen alinghen bedde en_ droech op broder Robb_ van vernenb_g Comend_ des huys van ghem_t tot behoef sijns oerdens twee alsulken boenre ghemeynten als hi ligghen hadde binnen den palen van ghem_t / en_ verteech daer op halmelec en_ half sinen tijns die hi ghelden hadde binnen ghem_t eest hoenre~tijns eest ghelt~tijns of iaerghelt in rechter aelmossen en_ om goede voer sijn ziele ende sijnre auder zielen / vutghenomen alsulken tijns als hi ghelden heeft vut tielkens huyse en_ houe dat leghet op die een side aen tusen en_ aen die ander side aen didderic van ghem_t / en_ alsulken tijns als hi met sijnre gheselscap ghilt den Cloester van bind_en . welken tijns erue en_ ghelt florens vors_ den Comend_ vors_ heeft gheloeft te weren als + men aelmosen en_ testament sculdich is te weren jn orconden der waerheit so hebbe wij onsen ghemeynen zeghel des Scependoems van ghem_t aen desen brief ghehanghen in + den iare ons h_en dusent drie + hondert en_ tseuentich des anders daghes na sente symons en_ Judas daghe apostolen .