Corpus Van Reenen-Mulder (CRM14): Oorkonde L207p37006

Wij Melijs van + den broec Gherart Arnts soen willem van Scarpenb_ Gheuart van Stribosche willem Arnts sniders soen Jan die weelde en_ Mychiel eynghelen soen Scepen tot ghem_t tughen in desen openen brieue dat voer ons is comen didderic troestgoeds doe hi sijns goeds machtich was in sinen alinghen bedde / en_ heeft vercoft brod_ Robb_ van verneb_g Comend_ des huys van ghem_t tot behoef sijns ordens met rade brod_ henrics van lewenb_ des landc_ en_ sijnre brod_ van + d_ balien van + den biessen / een pont tsiaers erfelec payments als ghenghe en_ gheue is op den scoudach binnen ghem_t om veertien + pont welc ghelt didderic vors_ hem van + den Comend_ vors_ kent en_ ghiet wael betaelt . alle iare te betalen op onsen vrouwen dach als + men kerssen bernt . vuyt enen boghaert die reent aen die een side aen hannen knoeps huys en_ hof en_ aen die ander side aen meest_ didderics hof / en_ hier af heeft didderic gheloeft te doen dat + men van erue sculdich is te doen Jn orconden der waerheit so hebben wij onsen ghemenen zeghel des Scependoemps van ghem_t aen desen brief ghehanghen in + den iare ons h_en dusent drie + hond_t en_ tseuentich op sente barberen auont .