Corpus Van Reenen-Mulder (CRM14): Oorkonde L207p37101

Wij Melijs van + den broec / Gherart Arnts soen willem van Scarpenb_ Arnt sniders soen / Gheuart van Stribosche Jan die weelde en_ Mychiel Enghelen soen Scepen tot ghem_t tughen in desen openen brief dat voer ons is comen dat voer ons is comen @ floerken bastart florens soen van werrenb_g en_ heeft verteghen halmelecken op alsulke twee boenre ghemeynten als hem joncvrouwe Aleyt van werrenb_g ghegheuen hadde / ende sijn vader ghegheuen heeft den orden van + den duytschen huys in rechter aelmosen en_ om salicheit sijnre zielen ende sijnre auder . welke twee boenre gheleghen sijn binnen den palen van ghem_t . jn orconden der waerheit soe hebben wij . Scepen onsen ghemeinen Scependoemps zeghel aen desen brief ghehanghen jnt jaer ons h_en doe + men screef dusent drie + hond_t tseuentich en_ een des sondaghes voer sente Georgius daghe