Corpus Van Reenen-Mulder (CRM14): Oorkonde L207p38501

Wij willem van middelscote gheuart van stribosch / heynric gheu_ts zoen van + der heyden / Gherit van + der vonderuort johan van + den grone_dale / michghiele van + der heelderdonc / en_ heynric emonts zoen van espdonc scepenne des Comme_d˚ers van ghemert doen cont en yegheliken die desen brief zullen sien of hore_ lesen Dat voir ons is comen / Eyn Eersom man johan van ghemert joffrouwe lizabette_ zoen was van Eyke met sine_ goeden vryen wille en_ heet op~ghedraghen met allen den recht en ghewoenden des hoefs van ghem_t Als hi sculdich was te doene / Alle die ghemeynte die hem toe~behore_ mochte / soe wye dat die gheleghen was jn naeten en in droeghe_ jn + der heerlecheit van ghemert / en niet vyt~ghesceyden / Tot behoef en orbaer en in g˚edenissen Eyns gheesteliken mans broeder Reynarts van h˚esen lantCo_mend˚ers der balyen van + den bijssen / en des d˚ytsghen h˚se van ghemert Om eyn seker somme ghels die den voirs_ue_ johan betaelt is en gheleuert / En daer hij den voirgenoemde_ lantco_mend˚er en Orden ane quijt ghescouden heet en_ schilt quijt ten Eweghen daghe_ Ouer~mids desen Teghewerdeghen brief Alsoe dat die voirg_de johan en_ sijn erfghenaem deser ghemeynte voirg_ en_ der anderre ghemeynte gheleghen in + der heerlech_t van ghem_t voirg_ sullen moeghe_ ghebruke_ ghelijc de_ and_en ond_sete_ die te ghemert gheseten w_en Eest als si seden Alle arghelist vyt~ghesceyden jn Orconde der waerheyt soe hebben wij scepe_ voirs_ onsen zeghel ons ghemeyns scepe_domps van ghemert Aen desen brief ghehanghe_ en_ ghegheue_ ynt jaer ons here_ doe + me_ screef dusent + drye + hondert Tachtentich en + viue des neesten maendaechs voir sonte johans dach baptista