Corpus Van Reenen-Mulder (CRM14): Oorkonde L207p38502

Wij Roef die ridder / Gheuart van stribosch / heynr? gheuaris zoen was vander heyden Gherit (onleesbaar) van der + uort / Johan van + den grone_dale michghiele van + ? heelderdonc heynric emonts zoen van espdonc scepe_ in ghem_t doen cont en yegheliken die desen brief sullen sien of hore_ lesen dat voir ons is comen heynric die pelser yden zoen nesen dochter was van + der beec in sinen helen bedde Ende heet vyt~ghegeue_ tot ene_ Erfliken pacht Johan die nat˚rlic zoen Johans van + den vyef~Eyken die beternisse van sijnre Erfnisse_ met husinghen die daer op steyt dien alinghen campe die gheleghen is binne_ ghemert mett_ eenre siden neue_ dat wat_laet dat + me_ heyt die beec en_ mett_ ander siden neue_ Johans erue willems zoen was van Ryetuort mette_ ene_ eynde daer die husinghe op stoet aen des h_en strate en_ mette_ and_en eynde Aen ghoeswijn knoden erue dat is te wete_ om twee mudde rogghen tsaers Eusbers pacht welken pacht Johan voirghenoempt of sijn Erfghenaem ghelden en betalen sullen den voirghe_de_ heynric of sinen Erfghenaem Jaerlix op onser vrouwen lichtmisse dach purificatio Ende te leu_en opte_ voirg_de_ _ mett_ ghevorder maete_ van ghem_t vyt deser voirghenoemder beternissen Ende vyt soeue_ vaet erfrogghe_ die jan heynric hier in tot Ene_ Erfliken onderpande gheset heet en verbonden die Johan voirg_ gheldende heet vyt dien huys en hof dat gheleghe_ is in gheen haghe by + der h_en beemt va_ ghem_t Tussche_ d_ steghe_ en_ wijnric marien soens erue en_ Johan heet heynric gheloeft dat onderpant goet en doghende te maeken voert meir soe heet heynric voirg_ Johan voirs_ Ouer~ghegeue_ Alle die brieue ende alle die vest die heynric voirghenoempt van dien erue hadde En_ heet hem dyerre brieue mechtich ghemaect ghelijc als + ? heynric was En_ dat Johan die selue man is van dien Erue die heynric was en_ sael pacht en tyns jaerlix ghelde_ en verbuere_ op die scoutdaghe daer af die + me_ vyt dese_ voirg_de_ erue sculdich is te ghelden Ende heynric heet Johan gheloeft dat erue te w_en voir he_ en_ voir sijn Erfghenaem En_ alle voirco_mer af te doen die van sijnre weghen daer op come_ mocht vort meir soe heet heynric voirs_ ghekent en ghelyet dat he_ Johan voirsc_ Twintich aude scilde wael betaelt heet die hi hem sculdich was te geue_ van dien gode voirsc_ Eyst als si seden Alle arghelist vyt~ghesceyden Jn orconde der waerheit soe hebbe_ wi scepe_ vors_ onsen zeghel ons ghemeyns scepe_domps van ghemert aen desen brief ghehanghen en_ ghegeue_ ynt ? ons h_en doe + m_ screef dusent drie + hondert Tachtentich en viue op sonte mateus dach