Corpus Van Reenen-Mulder (CRM14): Oorkonde L207p38601

Wij willem van middelscoet willem van scerpe_borch Gheuart van stribosch heynric Gheuarts zoe_ van + de_ heyden johan van + de_ grone_dael michghiel van + der heyden heynric emonts zoen van espdonc scepen des Come_d˚ers van ghemert doen cont en ygheliken dat broed_ Robrecht van verenb˚rch met wille en_ met rade broder heynrics van lewenberch lantComen_d˚er van + den bijssen en_ met rade der here_ broder der orden des h˚ys van ghemert heeft verpacht Baeten euerits en_ hore_ kijnd_en die sij by hoer heet die hoeue te_ kyeboem den core_ was daer af neghen jaer en yghelijc jaer om vj mudde rogghe_ . iiij . mud ghersten en_ om iiij . mudde hauere_ en_ iiij vaet raepzaets cusbers pachts tot pachters recht En_ die . iiij . mudde gherste_ en_ . iiij mud hau_en en_ . iiij vaet raepzaets tot alre + heyleghe misse betalen en_ dees vj mudde rogghe_ sullen sij betale_ tot onser vrouwen licht~misse als men kerssen bornt En_ desen vorg_ pacht rogg_ gherst en hauer en zaet solen die here_ ontfaen op dien vorseyde_ daghen met alsulker gheborder maete_ als ghenghe en_ gheue is tot ghemert met alsulker vorwarden oft dese vors_ bate hoer niet voert en verdroughe in pacht mette_ heren vors_ soe soude bate vors_ dat lest jaer van + de_ neghene_ sitte_ in allen laets recht voert heeft bate vors_ gheloeft desen vors_ pacht op hoer en_ op al hoer goet op + de_ vorsede_ daghe_ den vors_ here_ te betalen Voert sal baete vors_ die tymeringhe houden in daken en wende_ op hore_ cost en_ daer toe doen als een goed laet sculdich is te doen en_ die h_en vors_ sullen hoer leuere_ ysere_ en hout als + me_ ene_ laet sculdich is te leuere_ voert soe sal baete vors_ alle beesten te halfuen houden vlutte_ en_ vuere_ en alle vrachte_ doen die die here_ te doen hebben Ende bate vors_ sal poete_ loeke winne_ op dat vors_ goet ende sy sael alle jaer poeten xxx wassender pote van welk_conde houte dat sij willen / opte_ vors_ goede Oec so sal bate vors_ betaelen alle jaer den Come_d˚er vors_ twelf ellen goeds vlessens lakens / en_ eyn zeinde na + der auder ghewoenden En_ sij sullen den Come_d˚er houden ene_ hont en_ hoenre als hij des begheert . Vort so sal bate op de_ goede vors_ twee daghe decke_ jaerlecs va_ nuwe_ stroe . Voert heeft bate vors_ den Orden gheloeft en_ ghesekert met hande en_ met monde in eystat hout en_ ghetruwe te sijn / en_ verbonden des Ordens schade te weren nae allen hore_ beste_ sinne_ . Voert weert dat zake dat bate in desen vorseyde vorwarden en_ v_bentenisse erghent tieghen ghinghe in worden oft in werken dat + me_ ter waerheyt mocht vinden / soe soude hore tijt totte_ naeste_ pinxte_ vyt sijn altoes naest + toecome_de / voert meer weert dat zake dat bate vors_ ontsacht worde dat van hore_t~weghe_ toe queem dat sael sij af~doen of waer sijs niet af en doet dat si da_ ten neeste_ pinxte_ vyt~vare_ soude En_ worde sij oec ontseecht dat van + der h_en weghen toe queem dat sullen die here_ af~doen of waer sijs niet af en conne_ ghedoen sij sullen hoer best daer toe doen soe soude bate vyt~vare_ of si woude Ocht si mach bliue_ sitten op hoer auenture Voert eest vorw_t dat bate of hoer kijnder en~gheen lant toelen en sullen dan totter houe_ hoert mette_ beeste_ die de_ here_ toe~hore_ ten sij mett_ here_ wille Alle arghelist in deser vorg_ vorwarden vyt~ghesceyden jn Orconde der waerheyt soe hebben wij scepe_ vors_ onsen zeghel ons ghemeyns scepe_do_ps van ghemert aen desen brief ghehanghe_ en_ ghegheue_ ynt jaer ons heren doe + me_ screef dusent drie + hondert tachtentich en zesse opten pinxtauont