Corpus Van Reenen-Mulder (CRM14): Oorkonde L207p38603

Wij willem van middelscoet willem van scerpe_borch Gheuart van stribosch heynric Gheuarts zoen Jan van + de_ grone_dael michghiel van + der heyden heynric emonts zoen van espdonc scepe_ in ghemert doen cont en ygheliken / Dat broeder Robrecht van vere_b˚rch Come_d˚er des h˚us van ghemert Met wille en_ met rade broder heynrich van leuwenberch lantCo_men_d˚er der balyen van + de_ byessen en_ met rade der here_ broder der orden des h˚ys van ghemert heeft verpacht petre_ leyten zoen van myrle die houe te mirle die de_ here_ toe~hoert de_ Core_ was daer af neghen jaer lanc eyn yghelijc jaer om vj mud rogg_ en_ om vj mudde gh_ste_ en_ om iij vaet raepsaets cusbers pachts te pachters recht En_ die vj mud gherste_ . iij . vaet raepzaets sal hij betaelen tot tot alre + heyleghe misse / en_ te brenghe_ alle weghe binne_ ghemert totter here_ wille / en_ die vorg_ vj mudde rogghe_ sal hij leu_en in + der heren huys tot ghemert tot onser vrouwen licht~misse En_ desen vors_ pacht roggh_ gh_st en_ zaet sal + me_ ontfanghe_ op den vors_ daghen Met alsulker ghebornder maete_ als ghenghe en_ gheue is tot ghemert met alsulker vorwarden / oft he_ dees vors_ peter niet vort en verdr˚ghe in pacht mette_ here_ so soude peter vors_ opt leyste jare van + de_ neghene_ sitten in allen laets recht Voert heeft peter vors_ gheloeft dese_ vors_ pacht op hem en_ op al sijn goet en_ op + de_ vors_ daghe_ den vors_ h_en te betalen Vort sal peter vors_ die tymeringhe houden in dake en in wenden op sine_ cost en_ daer toe doen als eyn goet laet sculdich is te doen / en_ die here_ vors_ sullen he_ leueren ysere_ en hout als + me_ laete_ sculdich is te leuere_ Voert sal peter vors_ alle beesten te haluen houden / en_ vlutte_ / v˚ere_ en_ alle vrachte_ die de here_ te doen hebben En_ peter vors_ sal poet en_ loeke winne_ / en_ xxx wassender poete setten van welkerk˚nde houte dat hij wille op + de_ vors_ goede En_ twee daghe nuwe te decke opte_ vors_ goede met nuwen dake En_ sal gheue_ xij ellen goets vlessens lakens peter de_ vors_ here_ en_ ene_ hamel voir sijn zeinde En_ peter sal den Come_d˚er houden hoenre als hij des begheert Vort heeft peter vors_ den orden gheloeft en_ ghezekert met hande en_ met mo_de in edestat hout en_ ghetruwe te sijn en_ verbonde_ des ordens schade te were_ nae alle sine_ besten sinne_ voert weert dat zake dat peter in desen vors_ vorwarden en_ verbe_denisse erghent tieghen ghinghe in worden of werken of in eneghe_ zake_ dat + me_ ter waerheyt mocht vinden soe soude peters tijt ten naeste_ pinxten toe~comende vyt sijn Voert weert dat zake dat peter vors_ ontseecht worde dat van sinet~weghen toe queem dat sael peter af~doen of waer hijs niet af en doet dat hij dan ten naeste_ pinxte_ vuyt~vare_ soude en worde peter oec ontseet dat van + der here_ weghen toe queem dat sulle_ die he_en af~doen waer sijt af conne_ ghedoen En_ daer sullen sy hoer best toe doen waer sijs niet af en conne_ ghedoen soe sael peter vors_ vut~vare_ of hij weel ocht hij mach bliue_ sitten op sijn auenture Voert eest vorwart dat peter vors_ en~gheen lant toelen en sael dan toter hoeue_ hoert mette_ beeste_ die de_ here_ toe~hore_ ende~sij metter here_ wille Jn Orconde der waerheyt soe hebbe_ wij scepen vors_ onsen zeghel ons ghemeyns scependomps van ghemert aen desen brief gheha_ghe_ en_ ghegheue_ ynt jaer ons here_ doe + me_ screef dusent drie + hondert tachtentich en sesse opten pinxt~auont