Corpus Van Reenen-Mulder (CRM14): Oorkonde L207p39401

Wy Willem van Middelscoot / Gerit van + der Vonderuoert Kerstiaen van + den Moirtell . Heyne emonds soen van Espdünck / Roelf schoemeker / Roeuer schoemeker / en_ heyne quedens soen . . Schepe_ne des dorps van ghemert doen kont allen luden / dat voir ons coemen is / juffroüwe sophie van dynter / waln_e diercs wyff van gemert / mit hoiren gekoren Monba_e den hoir die Richt_e na gewoente hir toe gegeue_ heeft / en_ heeft oeuerghegheue_ / en_ helmelijc verteegen / op alle alsoelken tocht / als sij hadde / aen erue en_ gemeynte / geheiten des d˚wls Campe / gelegen in + de_ dorpe en_ gericht van gemert / mit allen sine_ toe~behorten / gelijc als dierc willen was van gemert hoir man / daer ynne bestaerff / tot behoef diercs / johans / wolter Spirings / en_ Goederts van gemert gebroed_e horre kijnd_e / en_ Goysswins van + den steenweghe / hoirs swagers / Ende heeft geloeft op hoir / en_ op alle hoir goede / dit oeuergheue_ en_ verthyen / vast / en_ steede / en_ onuerbroeclijc te hailden / tot ewigen dagen / en_ allen voir~Co_mer van hoiren wegen / af te doene / sonder argelist / Ende want dese vors_ vertyiinge / en_ oeuergheeuinge / en_ alle saken en_ pünten voirs_ / voir ons will_m van middelscoet / gerit van + der vonderuoert / kerstiaen van + de_ Moirtell / scepe_ne des dorps va_ gemert voirs_ / alsus gescheyt sin / gelijc en_ in alle d_ ma_niere_ als voir + gescreue_ steyt / soe hebbe_ wy den segel onss gemeynen scependomps / van gemert / aen dese_ tgegenwordigen brief doen hangen / Gegheuen in die jaer ons h_en / dusent + dri + hondert + neghentich en_ vyer . dertien + dage . in julio . . -