Corpus Van Reenen-Mulder (CRM14): Oorkonde L224p39601

Wi wouter van + der haluer den en_ ghisebrecht gherit co? soens soen scepe_ in oerle tughen onder onsen seghelen Dat voir ons come_ is . Goeswiin jans soen was van + de_ broec en_ @ heeft Opghedrage_ erfelike_ en_ ouerghegeue_ voir hom en_ voir sine_ erfgename_ na hom @ henrike_ janne_ arnden sine_ witteghe_ bruedere_ Enghelen agnesen Godelten gheertruden Elisbette_ en_ aleiten ghesusteren en_ witteghe kijndere des voirs_ jans was van + de_ broec tot hore_ behoef en_ hore erfgename_ na hon al alsulken goet eest haue eest erue of @ wat goede dat is dat hom verstorue_ en_ bleuen is van janne_ sine_ vader was voirs_ / En_ @ al alsulken goet eest haue eest erue of wat goede dat is dat hom o_merm__e versteruen @ en_ bliue_ mach van Godelte_ sijnre moeder soe wair en_ te wat steden die voirs_ goede en_ erfenisse_ voers_ ghelege_ siin jn harden jn weke_ jn diepen oft in droeghe_ / En_ dat goeswiin voers_ helmelingen en_ tot eweghen daghen heeft verteghe_ op al dat voirs_ goet ghelijc @ als dat voirghenoempt is / en_ op alle_ rechten die hi dair aen hadde tot behoef sijnre brud_en @ en_ sustere_ voirs_ en_ hore_ erfgename_ na hon En_ heeft voirt gheloeft op hem en_ op siin @ goet dat voirs_ opdrage_ ouergheue_ en_ vertien stedich en_ vast te haude_ tot ewege_ daghen @ sonder wedersegghen / En_ weert dat enich va_ hom allen voirs_ Dats te wete_ van goeswijns bruedere_ en_ sustere_ voirs_ van liue ter doet queme sonder gheboirt va_ sine_ liue te come_ @ en_ dair goeswiin vors_ enich goet af aen~versterue_ mocht Dat die voirs_ goeswiin dairtoe niet gherecht en sal siin en_ hom negheens rechts dair aen vermete_ noch sueke_ en @ sal ghegeue_ in + de_ jair ons here_ gheboirt dusent drie + hondert neghentich en_ sesse opte_ veertienden dach in decemb_ .