Corpus Van Reenen-Mulder (CRM14): Oorkonde L228p37701

Wi peter barthelmeus soen was / ende ghisebrecht jhans soen was van + den einde / scepenne in Eyndouen / tughen ond_ onse seghelen dat voer ons comen is / didderic wellens ysebouts soens soen was / Ende lide ende kende / dat hi v_coft heeft in enen erfliken recht voer hoem / ende voer sijn erfghenamen na hoem / heinrike jhans soen was van den stadeacker tot sinen behoef ende sijnre erfghename na hoem / Een deerde dele van acht ponden syaers erf~renten / auds ghelds / als hoem te dele gheuallen js / aen alsoelkennen acht ponden syaers auds ghelds als men didderike stockelman / van eindouen te ghelden plach / binnen gherwen / ghelike als der scepenne~litteren van eindouen begripen ende jn~hauden die daer op ghemaect sijn daer die voers_ / didderic stockelman / dese voers_ acht pont syaers / mede ghecoft ende ghecreghen heeft / Ende dat die voers_ didderic die v_coeper / heeft op~ghedraghen / den voers_ heinrike / dit voers_ doerde dele / van den voers_ acht ponden syaers / Ende heeft daer helmelinghe op v_teghen tot eweliken daghen / tot behoef heinrics voers_ en_ sijnre erfghenamen Ende dat didderic voers_ die v_coeper heeft gheloeft op hoem ende op alle sijn guet voer hoem en_ voer sijn erfghenamen / den voerscreuenen heinrike en_ sinen erfghenamen / dit voers_ doerde dele van den voers_ acht ponden syaers te weren / als men erue met recht sculdich is te w_en / Ende alle voercommer af + te + doen die hi daer op ghemaect heeft / oft die van sijnre weghen daer op comen mach / Ghegheuen jnt jaer ons h_en doe men screef van sijnre gheboert / dusent drie + hond_t tsoeuentich ende soeuen op den vijftienden dach jn wedemaent