Corpus Van Reenen-Mulder (CRM14): Oorkonde L237p31101

Wij didderic van dorne didderic snoec henric der kinderknape peter Rolekens sone henric van zonne een smet didderic van der brugghen ende godevart Jans oghen sone scepenen van helmont gruten alle die ghene die desen brief solen zien ende horen lesen metter ken_isse der wairheit wij doen kont alle den ghenen nv sijn ende noch siin solen dat Rouer van martsel voir ons quam ende gaff een mudde roggen herefleke den armen ende den heleghen gheest van helmo_t te gelden opten yersten alre helegen dach die na hore moder doet gelegen is wt sinen huyse ende siinen lande also alst in die haghe gelegen is den armen scoen mede te copen Jairlijcs opten voer~geseden alre helegen dach ende dit mudde roggen gaff Rouer herefleke in gherechter almissen ende in sijnen alinghen bedde ende doe sijn erue onbecom_ert was Jn orkonde welker dinc hebbe wij voreghesede scepene bezegelt desen brieff met onser stat zeghel Dese brieff is gegeuen Jnt Jair ons h_en dat + men scriuet M˚ ccc˚ ende elue des sonnesdaghes voir sunte marien magdalenen dach