Corpus Van Reenen-Mulder (CRM14): Oorkonde L237p34801

Goeswijn heylwighen soen van gherwen heeft bekent en_ verlyede dat hi erfelic vercoft heeft lijsbetten heren laurens dochter Persoens van helmont een mudde rogghen erfelics pachts der maten van helmont ende twintich scillinghe erfeliker renten payments als ghemeynlec in b˚rsen sal gaen alle Jare tonser vrouwen lichtmisse te ghelden en_ te helmont te leueren vte sinen huse houe lant en_ beemde dat hoem van sinen vader verstorue_ was en_ vte alle goet en_ erfenisse die hoem versterue_ sal van sinre moder so waer sij gheleghen sijn Ende daer af heeft hi hoer gheloeft te doen alle vorco_mer op hoem en_ op alle sijn goet Hir ouer ware_ die Scepene te helmont Reyner van + der wintmoelen Noude becker Jan orssen Godert van bistervelt Jan Neue Jan dusche en_ Symon lambrechs langsmeeds soen Jn oirconde der lettere_ bezeghelt metter stat zeghele van helmont om beden der vors_ partien als ghewoent is Ghegheuen int Jare ons heren der gheboerten . + M . + ccc veertich en_ acht des sondaghs na Jaers~dach .