Corpus Van Reenen-Mulder (CRM14): Oorkonde L237p36802

Lijsbet van Endouen en lijsbetten ? Hille hoer docht_en met horen vercoren momboer die hen drien ghegheuen was met Srichters + hant metten vonnesse en_ metten + recht en_ Willem en_ Jan en_ Art hoer soenen hebben ghesamenderhant ghegheuen tot ene_ pacht erfelic heynen den pesgher Enen Ecker daer die heyn op ghetymmert heeft met sinen toebehoren gheleghen te Hel? tusghen Alarts gheermans soens Erue aen die een side en_ tusghen danels van herselt er? aen die ander side o_me drie pont ghels payements als ghemeynlec te helmo_t in b˚rse_ ? gaen alle jare daer + ? te ghelden te sinte Remeys misse En_ dien Ecker hebben sij hoen gheloeft te wer? ? ?llen voerco_mmer op hen allen en_ op hoer goet sonder van dien drie ponden voerseit die ? (onleesbaar) ghelden sal tsyaers Maer Lijsbet van Endouen en_ hoer kind_e voers_ soelen behauden ene vaerwech ouer dien Ecker ter minster scaden te varen en_ te comen tot horen beemt die daer after leech alle weghe als sijs te doen hebben Ende heyn pesgher sal oec behauden ene_ wech ouer dien ?eemt totter AA toe te_ opene_ tijde en_ ter minster scaden te gaen en_ ? come_ daer ? beesten ouer gaen (onleesbaar) en_ comen Hir + ouer waren die Scepen te helmont Noude becker Jan orssen Godert van bistervelt Jan dusche Heinric baten soen Gherart wegman en_ willem van herselt Jn Orconde deser lett_en bezeghelt metter stat zeghel van helmont als ghewoent is Ghegeuen Jnt Jare der gheboerten ons h_en m . + ccc tsestich en_ acht des maendaghs na Sente aghaten dach