Corpus Van Reenen-Mulder (CRM14): Oorkonde L237p36902

Ghisebert belen soen heeft vercoft Jan van Adorp spersoens sone van helmont half dat goet dat men heit ten enoede met allen sinen toebehoren gheleghen in die prochi van N˚nen ghelijc als daer Jan medeman en_ Ermgart sijn wijf in bestoruen En_ daer af heeft hi hoem gheloeft alle dat te doen dat men daer af is sculdich te doen en_ te weren van alle voerco_mer op hoem en_ op sijn goet sonder van achtien vaet erfrogghen der maten van helmont ende van enen haluen vaet ghersten der maten van N˚nen en_ van dertich pe_ninghe auds tijns en_ van elf pe_ninghe nie tijns en_ van dord + alf hoen dat men al vyt dien haluen goede voers_ Jaerlics ghelden sal . hir ouer waren die Scepe_ te helmont Noude becker heinric baten soen Jan dusche Godert van bijstervelt Melijs van milhese herman van Eyndhouts en_ herman die weder Jn Orconde deser lett_en bezeghelt metter stat zeghel van helmont als ghewoent is . Ghegheue_ int Jare ons h_en dusent drie + hondert tsestich en_ neghen des vridaghs na pynxten