Corpus Van Reenen-Mulder (CRM14): Oorkonde L237p37001

heyn scoeman van doerne en_ Margriete sijn Suster met hore_ vercore_ momboer die hoer ghegheuen was met Srichters hant metten vo_nesse en_ metten recht kenden en_ lyeden dat sij vercoft hebben Marcelijs van + der doeseldonc Een stuc beemts gheleghen after die doeseldonc die rijdt Jaerlics teghen Gheveken hiten soens beemt en_ daer af hebben sij hoem gheloeft alle dat te doen dat men van Erue is sculdich te doen en_ te weren van alle voerco_mer op he_ beiden en_ op hoer goet sonder der h_en tijns die men daer vyt Jaerlics ghildt hir ouer ware_ die Scepen te helmont Noude becker heinric baten soen Godert van bijstervelt Melijs van milhese herman van Eyndhouts herma_ die weder en_ heinric die weder In Orconde deser lett_en bezeghelt metter stat zeghel van helmo_t als ghewoent is Ghegheue_ Jnt Jare ons here_ . + M . + ccc en_ tseuentich des seste daghs in meye