Corpus Van Reenen-Mulder (CRM14): Oorkonde L237p37101

Die ghesworen van helmont met rade der Scepene en_ met rade and_en poert_en van helmont hebben vercoft den meestere_ van + den gasthuse va_ helmont tot des gasthuse behoef va_ helmo_t om die scout die die stat van helmont sculdich was den gasthuse van helmont voers_ dien halue_ beemt die Ghibe die herde der stat van helmont ghegheuen hadde / gheleghen after dat goet ter doeseldonc aen dese syde vander . AA . En_ die ghesworen van helmont hebben gheloeft als van + der stat weghen van helmont en_ op der stat goet van helmo_t den gasthuse va_ helmo_t voers_ alle dat te doen daer af dat men van Erue is sculdich te doen en_ te weren van allen voerco_mer sonder van + den tijns die + men daer vyt ghildt Hier ouer waren die Scepen van helmont Noude becker Heinric baten soen Godert van bijstervelt Melijs van milhese Heinric die weder Pet_ van + der heyden en_ Heinric Jans fissien soens soen Jn Orconde deser lett_en bezeghelt metter stat zeghel van helmo_t Ghegheuen Jnt Jare der gheboerte_ ons h_en . + M . + ccc . + tseuentich en_ een des sondaghs na Jaers~dach