Corpus Van Reenen-Mulder (CRM14): Oorkonde L237p37103

Mathijs die hecker van ghemert kende en_ lyede dat sijn irste wijf en_ hi tesamen beset hebben den heylighen gheest van helmont en_ der kercken van helmont half en_ half die seuen scillinghe drie pe_ninghe myn erfghels die hen willem copy sculdich was te ghelden Alle Jaer te sinte Mertens misse vte ene_ stuc hoefs dat sij hoem daer voer vyt ghegheuen hebben en_ daer hi op ghety_mert heeft sijn huys . en_ dat te helmo_t steet naest Mathijs huys voers_ en_ Mathijs voerscreue_ heeft daer op verteghen tot behoef des heylighen gheest en_ der kercken voers_ Hier ouer waren die Scepen te helmont Noude becker heinric baten soen heinric die weder peter van + der heyden en_ heinric Jan fissien soens soen die dit aenbrenghen hore_ medescepene Godert van bijstervelt en_ Melijs van milh? Jn Orconde deser lett_en bezeghelt metter statzeghel van helmo_t Ghegheuen int Jare ons h_en M . + c? tseuentich en_ een des sondaghs na Paesdach